Arealplankontaktar og saksbehandlarar

I Statens vegvesen Region vest er det ledige stillingar innan fagområda arealplanforvaltning og saksbehandling ved seksjon Plan og Forvaltning i Rogaland fylkesavdeling. Kontorstad vil for tida vere i Haugesund og på Stord.  Det må kome fram i søknaden kva stilling og kontorstad du ønskjer, evt. i prioritert rekkjefølgje. 

Arbeidsoppgåver:

• Saksbehandling med heimel i Plan  og bygningslov og Veglov (arealplanar frå kommunane og retting av ulovlege tiltak langs riks- og fylkesvegar m.m.)
• Plantypar som er under behandling - Kommuneplanar, kommunedelplanar og reguleringsplanar etter Plan og bygningslova.
• Oppgåver innan Nasjonal Transportplan og Handlingsprogram.
• Deltaking i kommunal areal- og transportplanlegging, behandling av regulerings- og kommuneplanar samt trafikktekniske og transportfaglege vurdering av planer.
• Saksbehandling: Fartsgrenser, avkjørsler, trafikksikring
• Ymse forvaltningsoppgåver.

Kvalifikasjonskrav

• Eksamen frå universitet eller høgskule  innan areal- og vegplanlegging, med relevant linje og fagkombinasjon, minimum 3 år. For kandidatar med sterk og allsidig praksis frå dei aktuelle fagområda, og gode personlege føresetnader for stillinga, kan kravet til utdanning fråvikast.
• Erfaring frå nemnde arbeidsområde er ønskjeleg, men nyutdanna vil
  også bli vurdert.
• Ønskjeleg med god datakunnskap

 
Personlege eigenskapar som blir vektlagde:

• God kommunikasjonsevne.
• Gode evner til samarbeid.
• Evne til å arbeide sjølvstendig.
• Gode evner til å ta initiativ og vere kreativ
• God skriftleg og munnleg framstillingsevne.

Vi kan tilby:

• Løn etter lønssteg A44 f.t. kr. 350 000 til lønssteg A68 f.t. kr. 536 900 brutto pr. år avhengig av kvalifikasjonar.  I særlege høve kan høgare løn drøftast. Frå løna blir det trekt 2% pensjonsinnskot til Statens pensjonskasse.
• Interessante og sjølvstendige arbeidsoppgåver i eit triveleg arbeidsmiljø.
• Fleksibel arbeidstid.

Etaten har likestilling som mål. Det er eit personalpolitisk mål å oppnå ei balansert alders- og kjønnssamansetning, samt å rekruttere personar med innvandrarbakgrunn. Vi oppfordrar kvinner og personar med innvandrarbakgrunn til å søkje stillinga, samt personar med redusert funksjonsevne.

Vi gjer merksam på at opplysningar om ein søkjar kan bli offentleggjort sjølv om søkjaren har bede om ikkje å bli ført opp på offentleg  søkjarliste.  Dersom dette ikkje blir teke til fylje, vil søkjaren bli varsla.

Send søknad via vår jobbportal på www.vegvesen.no/jobb (stillingsnr. 3-049-10)
Søknadsfristen er 06.06.2010