Assisterande prosjektleiar/byggjeleiar - rv. 510 Solasplitten

Statens vegvesen Region vest har ledig stilling som assisterande prosjektleiar/byggjeleiar.

Stillinga er knytt til vår regionale byggherrepool, men vil i byggjeperioden verta plassert ved prosjektet Rv.510 Solasplitten. Byggjetida er rekna til om lag to år.

Prosjektet omfattar ny veg mellom E39 ved dagens avkjøring E39 Forus vest og fram til Sømmevågen ved Stavanger lufthamn Sola, ei strekning på om lag 4 km. Prosjektet omfattar ein miljøkulvert på om lag 300 m, ein mindre kulvert ifm ein kryssende kanal, ein tunnel på 300 m, 8 bruer og tunnelportalar. Disse arbeida inngår i hovudkontrakten. I tillegg kjem lokale støyskjermingstiltak. Samla er prosjektet kostnadsrekna til om lag 485 mill. kroner. Oppstart er planlagt august 2010.

Stillinga er i hovudsak knytt til arbeidet med hovudkontrakt for veg som er skissert over.

Prosjektorganisasjon er under etablering og vil ha tilhald i eige prosjektkontor på Forus.

Arbeidsoppgåver:
Den som vert tilsett skal assistere prosjektleiar, i tillegg skal vedkomande ha ansvaret for oppfølging mot eiga Ressursavdeling som planlegg og prosjekterar.

Etter oppstart vil assisterande prosjektleiar/byggjeleiar få ansvar for mellom anna:
• Oppfølging av kontraktsforhold for vegkontrakt og byggjemøter for desse arbeida
• Budsjettering og økonomioppfølging av denne entreprisen
• HMS-koordinator for desse arbeida

Kvalifikasjonar:
Det vert kravd utdanning minimum 3 år frå universitet eller høgskule innan aktuelle fag. For kandidatar med sterk og allsidig praksis frå dei aktuelle fagområda samt gode personlege føresetnader for stillinga, kan kravet til utdanning fråvikast.

Vi ser etter ein person med erfaring frå oppfølging av entreprisar og prosjektarbeid, og helst med oppfølging av tilsvarande arbeid. I tillegg er det ynskjeleg med erfaring/kjennskap til vegprosjektering for å kunna følgje tett opp planarbeid med vår Ressursavdeling.

Det vil bli lagt vekt på god skriftleg og munnleg framstilling, gode datakunnskapar og personlege eigenskapar som sjølvstende, initiativ, resultatorientering, kommunikasjonsevner og evne til samarbeid.

Vi kan tilby:
• Løn etter avtale , jamfør etaten sin lønspolitikk. Frå løna blir det trekt 2 % til Statens Pensjonskasse.
• For søkjarar utanfrå byen kan prosjektet tilby pendlarbolig
• Prosjektet stiller arbeidsbiler til disposisjon på anlegget
• Interessante og utfordrande arbeidsoppgåver
• Eit triveleg arbeidsmiljø og gode velferdsordningar
• Muligheit for kompetanseheving via kurs- og utdanningstilbod
• Overtids-, skyss- og kortgodtgjersle etter regulativ

Les meir om prosjektet på http://www.vegvesen.no/Vegprosjekter/Solasplitten

Etaten har likestilling som mål. Den statlege arbeidsstyrken skal i størst mogleg grad gjenspeile mangfaldet i befolkninga. Det er difor eit personalpolitisk mål å oppnå ei balansert alders- og kjønnssamansetjing og rekruttere personar med redusert funksjonsevne og personar med innvandrarbakgrunn.

Er du interessert i stillinga ber vi deg sende søknad via vår jobbportal www.vegvesen.no/jobb (utlysingsnr 3-063-10).