Kontrollingeniørar

I Statens vegvesen Region vest er det ledige engasjement som kontrollingeniørar.
Engasjementa er knytt til byggherrepoolen i Region vest, med arbeidsstad for tida ved rv 47 T-forbindelsen i Rogaland.

T-forbindelsen er eit vegsamband som knyter kommunane Karmøy, Tysvær og Haugesund nærare saman.
Prosjektet omfattar bygging av 9 km undersjøisk tunnel, inkludert rundkøyring i fjell. I tillegg skal det byggjast 10 km veg, to tunnelar på til saman 900 m samt fleire bruer/kulvertar.
Prosjektet er delt i 4 entreprisar:
• K1. Undersjøisk tunnel og 4 km veg i dagen.
• K2. To tunnelar, ei bru med lengde 50 m og om lag 6 km veg i dagen.
• K3. Elektriske installasjonar og trafikkstyring i tunnelar.
• K4. Støytiltak/fasadetiltak.

Total byggjetid er berekna til 3.5 – 4 år, med planlagd opning våren 2013. Den forventa totale byggjekostnad vert om lag 1.5 milliard kroner.

Den første entreprisen, K1, er tildelt AF Gruppen og arbeidet starta i september 2009. Entreprise K4 vart lyst ut i mai 2010 og K2 skal lysast ut i august/september 2010.

Prosjektorganisasjonen med prosjektleiar, byggjeleiarar, geologar, kontrollingeniørar og byggherrestøtte vil totalt utgjera 16-18 personar.
Prosjektkontoret ligg i Haugesund, nær vegkontoret. Prosjektleiinga vil ha hovudkontor her.

Aktuelle arbeidsoppgåver:
• Kontroll og oppfølging av kontraktsarbeid med fokus på teknisk kvalitet og mengdeberekningar
• Utarbeide kontrollplanar
• Medverknad ved utarbeiding av anbodsgrunnlag
• Utøva byggherrefunksjonen på vegne av byggeleiar
• Medverke ved byggjemøte 
• Diverse sakshandsaming
Også andre arbeidsoppgåver innanfor byggjeleiing og teknisk kontroll må ein rekna med.

Kvalifikasjonskrav:
Utdanning frå universitet eller høgskole minimum 3 år med relevant fagkrins. For søkjarar med sterk og allsidig praksis frå det aktuelle fagområdet, etterutdanning og gode personlige eigenskapar for stillingane kan kravet til utdanning fråvikast. Søkjarar må ha førarkort kl. B.

Vi legg vekt på:
• Kunnskap om regelverk og forskrifter innan relevante fagfelt
• Erfaring frå liknande arbeid/ bransjeerfaring
• Beherska elektronisk verktøy til oppfølging og rapportering
• Evne til å jobbe sjølvstendig og yte til eit godt arbeidsmiljø både internt og i forhold til entreprenørane
• Fleksibilitet til arbeidsoppgåver
• Evne til å jobbe målretta og strukturert
• God munnleg og skriftleg uttrykksform

Lønns- og arbeidsvilkår:
Stillingane vert lønna mellom lønnssteg 45, kr 331 300 og lønnssteg 60, kr 463 000 pr. år - avhengig av kvalifikasjonar. Det vert trekt 2 % til Statens pensjonskasse. For særs godt kvalifiserte søkjarar kan høgare lønn vurderast. Vi tilbyr gode velferdsordningar og muligheiter for kompetanseutvikling. Litt kvelds- og nattarbeid må ein rekna med.

Etaten har likestilling som mål. Den statlege arbeidsstyrken skal i størst mogleg grad gjenspeile mangfaldet i befolkninga. Det er difor eit personalpolitisk mål å oppnå ei balansert alders- og kjønnssamansetning og rekruttera personar med innvandrarbakgrunn. Personar med innvandrarbakgrunn vert difor oppmoda til å søkje stillingane, samt personar med redusert funksjonsevne.
Søknad sendes via vår jobbportal: www.vegvesen.no/jobb (utlysingsnr 3-059-10).