Utfordrande stillingar i Region vest

I Statens vegvesen Region vest er det ledige stillingar ved Utredningsseksjonen på Veg- og transportavdelinga. Seksjonen har eit generelt ansvar for å utvikle, koordinere, forbetre, promotere og planlegge på overordna nivå i regionen.

Kontorstad kan vera på Leikanger, i Bergen  eller Stavanger.  Det må kome fram i søknaden kva kontorstad du ønskjer, evt. i prioritert rekkjefølgje.

Ledig stilling innan overordna areal- og transportplanlegging
Den som vert tilsett, får utredningsoppgåver knytt til Nasjonal transportplan og Handlingsprogram, utredningar av overordna karakter knytt til nye samferdsleinvesteringar (konseptvalutredningar) og/eller regionale tematiske planar med heimel i Plan- og bygningslov og særlover.

Andre aktuelle arbeidsoppgåver knytt til stillinga:
Fagleg rettleiing i
? areal- og transportplanlegging
? behandling av regulerings- og kommuneplanar
? regionen sine overordna arealtilknytta ansvarsområde
? Vurdering av planar som er under behandling

Kvalifikasjonskrav
Eksamen frå universitet eller høgskule innan areal- og samfunnsplanlegging, med relevant linje og fagkombinasjon, minimum 5 år. For kandidatar med sterk og allsidig praksis frå dei aktuelle fagområda, og gode personlege føresetnader for stillinga, kan kravet til utdanning fråvikast.

 ………………….

Utredarar bompengeprosjekt, trafikkmodellar, reisevaneundersøkingar, næringslivstransport og intelligente trafikk- og transportsystem                                                                                                                                                                 Statens vegvesen Region vest har til ei kvar tid mange store og komplekse utviklingsprosjekt til vurdering og utgreiing. Utredningsseksjonen har det overordna regionale ansvaret for å utgreia, samordna og kvalitetssikra regionen sitt arbeid knytt til bompengeprosjekt, trafikkmodellar, reisevaneundersøkingar, næringslivstransport og intelligente trafikk- og transportsystem.

For å bidra i dette arbeidet har Region vest inntil to stillingar ledig for å utvikla og  utgreia prosjekt og vidareformidla  kunnskap om fagfelta.

Kvalifikasjonskrav
Eksamen frå universitet eller høgskule  innan areal- og samfunnsplanlegging, transportplanlegging, geografi eller andre relevante fagkombinasjonar, minimum 5 år.
For kandidatar med sterk og allsidig praksis frå dei aktuelle fagområda, og gode personlege føresetnader for stillinga, kan kravet til utdanning fråvikast.

………………….

Utfordrande stilling innan ENØK
Statens vegvesen Region vest er ein storforbrukar av straum, m.a. til drifting av veglys og anlegg i tunnelar. Vi har eit samfunnsansvar for å bidra til å redusere energiforbruket vårt nasjonalt. For å kunne jobbe målretta på dette området har   
regionleiinga i Region vest vedteke å lyse ut ei nyoppretta stilling som skal leia dette nybrottsarbeidet.

Sentrale arbeidsoppgåver som ligg til stillinga
Hovudarbeidsområdet er ENØK–tiltak knytt til veglysanlegg, ventilasjonsanlegg og elektrotekniske anlegg i tunnelar i regionen. Nokre viktige oppgåver:
? Pådrivar og koordinator for energiøkonomiseringsarbeidet for installasjonar i tunnelar og for anlegg langs veg  i regionen
? Fagleg bindeledd mellom Vegdirektoratet og fylkesavdelingane.
? Delta i regionale og nasjonale nettverksgrupper
? Leggje til rette for regional samordning på ENØK-området i samarbeid med fylkesavdelingane.

Kvalifikasjonskrav
Utdanning frå universitet eller høgskole, minimum 3 år. Gjerne med varme/ventilasjon, elkraft og/eller automasjon i fagkretsen.

………………..

Vil du ivareta miljøet ved satsing på sykkel?
Vi treng ein medarbeidar med bakgrunn innan naturmiljø/miljøvenleg transport

Når nye veganlegg skal planleggast og byggast, er det mange brikker som skal falle på plass. Ei av brikkene er å ivareta miljøet rundt oss. Her er utvikling av kollektivtrafikken  eit nøkkelord. For Statens vegvesen er utvikling av kollektivtrafikken generelt, og av sykkelbruk spesielt, eit klart definert satsingsområde, og ein føresetnad for at vi skal kunne løyse trafikkavviklingsproblema vi ser i byane våre. Utredningsseksjonen vil gjerne ha hjelp av deg til dette! 
Vi er på jakt etter deg som har god teoretisk og analytisk bakgrunn innan naturmiljø, og med særleg interesse for og kunnskap om berekraftig transport.
Du vil vera regional sykkelkoordinator, vera bindeleddet mellom nasjonale (og internasjonale) nettverk inn mot lokale nettverk og kontaktpersonar. Du skal formidle og koordinera kunnskap og vera delaktig i utvikling av sykkelbyar og prosjekt for å ivareta natur og miljøvenlege transportløysingar.

Andre arbeidsoppgåver vil vera:
? Lage, bestille og delta i utarbeiding av planar.
? Medverke i vurderinga av tiltak for å oppfylle nasjonale og regionale krav
? Gje innspel innan fagområdet i utarbeiding av overordna styringsdokument som Nasjonal transportplan og liknande, samt rapportere i forhold til måleindikatorar.
? Delta i miljørelaterte prosjekt og bidra til auka kompetanse for slike løysingar.
? Synleggjere det arbeidet Statens vegvesen gjer på dette området gjennom kontakt med media og interessegrupper/organisasjonar.
.
Kvalifikasjonskrav
Det er krav om utdanning på minimum mastergradnivå frå universitet eller høgskule innan biologi, naturforvaltning, miljøvenleg transport eller tilsvarande. For kandidatar med lang og allsidig praksis frå fagområdet, og gode personlege eigenskapar for stillinga, kan kravet til utdanning fråvikast. Vi vil også at du skal ha minimum 3 års arbeidserfaring frå arbeid med problemstillingar innan fagområdet. 

For alle stillingane gjeld fylgjande krav
? erfaring frå aktuelle arbeidsområde vert prioritert
? relasjonsskapande, inkluderande og godt humør
? resultatorientert og evne til heilskapstenking
? utviklingsorientert og omstillingsdyktig i høve til organisasjon og samfunn
? evne til å ta ansvar, rettleie, koordinere og delegere
? gode samarbeidsevner både internt og på tvers av fagmiljø og organisasjon
? gode kommunikasjons- og framstillingsevner både skriftleg og munnleg
? strukturert, initiativrik, sjølvstendig og lojal

Med dei krav til mobilitet som ligg til stillingane, ser vi det elles som ein føremon at du har førarkort klasse B.

Vi kan tilby
? engasjerande og samfunnskritiske arbeidsoppgåver
? eit triveleg arbeidsmiljø
? lovfesta pensjonsordning (Statens pensjonskasse)
? fleksibel arbeidstid
? stor fridom til sjølv å utforme stillinga
? rom for etter- og vidareutdanning
? skyss- og kostgodtgjersle etter regulativ

Løn etter lønssteg A65 – A71, alt etter kvalifikasjonar. Dette tilsvarar frå kr 509 000,- til kr 571 500,- pr år. I særlege høve kan høgare løn avtalast. Frå løna blir det trekt 2 % til Statens pensjonskasse. 

Etaten har likestilling som mål. Den statlege arbeidsstyrken skal i størst mogleg grad gjenspeile mangfaldet i befolkninga. Det er difor eit personalpolitisk mål å oppnå ei balansert alders- og kjønnssamansetjing og rekruttere personar med redusert funksjonsevne og personar med innvandrarbakgrunn.